Tag: xukuumada
Ra’iisul Wasaaraha Soomaaliya Xasan Cali Kheyre ayaa goor dhow xil ka qaadis ku sameeyay Wasiirka Ow-qaafta iyo Arrimaha Diinta Xukuumadda Soomaaliya Dr. Iimaan C/llaahi Cali.
Wasiirkii hore Caafimaadka ee Xukuumaddii Ra’iisul Wasaare Farmaajo Aadan Xaaji Ibraahim ayaa dalbaday gargaar caafimaad dibada ah, isagoo ku dhaliilay dowladda Federaalka inay wax u qaban weysay.
Waxaa isa soo taraya hadal heyn xoog leh oo ku saabsan isku shaandheyn suura gal ah in dhowaan lagu sameeyo Golaha Wasiirada, iyadoo inta badan hadal heyntu ay ka socoto xafiisyada dowladda iyo goobaha kale ee ay ku kulmaan siyaasiyiinta.
Iyadoo shalay kaalin shidaal oo ku taal agagaarka Black uu ka kacay dab xoogan oo baabi’iyay hanti fara badan oo ay Ganacsato Soomaaliyeed lahaayeen, ayaa Xukuumadda Soomaaliya waxay ku dhawaaqday inay ka xun tahay dabkaas iyo khasaaraha ka dhashay.
Xildhibaanada baarlamaanka Somalia ayaa maanta cod aqlabiyad ah ku ansixiyay xukuumadda cusub ee uu soo magacaaabay ra’iisul wasaare Cumar C/rshiid Cali Sharma’arke.
Kulanka Baarlamaanka oo goor dhow furmay, Ra’iisul Wasaaraha iyo Golihiisa Wasiirada oo goob joog ah
Kulanka Baarlamaanka ayaa goor dhow furmay, iyadoo kulanka ay soo xaadireen ilaa 220, kuwaasoo la filayo in Xukuumada codka kalsoonida u qaadaan.
Muqdisho, Feb.5,2015….Xog-hayaha Joogtada ah ee Xafiiska Ra’iisul Wasaaraha Mudane Maxamed Cali Nuur, ayaa saxaafadda u akhriyay digreeto kasoo baxday Ra’iisul Wasaaraha oo lagu magacaabay xubnaha cusub ee golaha Wasiirada Xukuumadda Federalka Soomaaliya.
Ra’isul wasaaraha Soomaaliya, C/weli Sh. Axmed Maxamed ayaa xilka taliyaha booliiska Soomaaliya si KMG ah caawa ugu magacaabay Jen. Cismaan Cumar Weheliye (Gas-Gas), kaddib markii uu galabta si lama filaan ah ugu geeriyooday Muqdisho taliyihii hore ee booliiska Soomaaliya, Jen. Maxamed Sh. Xasan Ismaaciil.
Xukuumadda Somalia ayaa qorsheynaysa inay shidaalka Soomaaliya kusoo saarto muddo lix sano gudahood ah, sida uu sheegay wasiirka shidaalka iyo tamarta Somalia, Daa'uud Maxamed Cumar.
Ra’iisul wasaaraha Somalia, C/weli Sh. Axmed ayaa sheegay inuu aad uga walaacsan yahay eedeymaha la xiriira falalka galmada ah ee lagu sheegay warbixintii Human Rights Watch taasoo ay geysteen ciidanka AMISOM ee Soomaaliya ku sugan.
Golaha Wasiirada Xukuumadda Federaalka Soomaaliya ayaa maanta isugu yimid shir aan caadi ahayn oo shir gudoominayey Ra’iisul Wasaaraha Xukuumadda Federaalka Soomaaliya Mudane Cabdiweli Sheekh Axmed Maxamed. Shirka ayaa looga hadlay amniga guud ee dalka, iyadoo golaha Wasiiradu xilkii ka qaadeen Agaasimihii Hay’adda Nabadsugidda iyo Sirdoonka Soomaaliya Cabdulaahi Maxamed Cali (Sanbaloolshe).
Xukuumadda Soomaaliya ayaa ka hadashay dilka hoggaamiyihii Ururka al-Shabaab Axmed Cabdi Godane, oo sida la xaqiijiyey lagu diley duqeyn ay diyaaradaha Maraykanku geysteen.
Xukumadda Federaalka Soomaaliya ayaa sheegtay in ay Ogeyd Weerarkii Duqeynta ee Diyaaradaha Mareykanka ay la beegsadeen Gaadiid uu la socdo Hogaamiyaha Al-shabaab Axmed Cabdi Godane,oo Shabaab Dhaxdooda looga yaqaano Sheikh Muqtaar Abuu Zubeyr.
Xukuumada Soomaaliya ayaa shaaca ka qaaday in Ciidamada Dowlada Soomaaliya iyo kuwa AMISOM oo wada jira in Xarakada Al-Shabaab kala wareegeen Degmooyin iyo deegaano katirsan Gobolada Bakool iyo Hiiraan.
Golaha wasiirrada xukuumadda federaalka Soomaaliya oo shalay isugu yimid shir aan caadi ahayn kaasoo uu ka qayb-galay madaxweynaha Soomaaliya, Xasan Sheekh Maxamud.
Xukuumadda Soomaaliya ayaa ka dhawaajisay inay beegsanayso bakhaaro iyo garaashyo hubka lagu keydiyo oo ku yaalla Muqdisho, xilli howlgallo hub ka dhigis ah ay ka wadaan Muqdisho ciidamada dowladda Soomaaliya iyo kuwa AMISOM oo iskaashanaya.
Golaha Wasiirrada Xukuumadda Federaalka ee Soomaaliya oo maanta yeeshay kulankoodii caadiga ahaa oo uu shir guddoominayey Ra’iisul Wasaaraha Xukuumadda Federaalka Soomaaliya mudane Cabdiweli Sheekh Axmed Maxamed. Waxaana goluhu ku dhawaaqay in dalka ay ka jiraan abaaro daran, iyagoo guddi wasiiro ah u saaray wax ka qabashada abaaraha.
Ra’iisul Wasaaraha Xukuumadda Federaalka Soomaaliya mudane Cabdiweli Sheekh Axmed Maxamed, ayaa maanta shir guddoomiyey kulankii caadiga ah ee Golaha Wasiirada, waxaana looga hadlay arrimo dhowr ah oo ku saabsan xaaladda dalka, iyadoo goluhu cod aqlabiyad ah ku ansixiyeen magacaabista Wasiirka amniga Qaranka iyo Taliyayaasha Ciidamadda Booliska iyo Nabad-sugidda oo dhawaan uu magacaabay Ra’iisul Wasaaruhu.
Ra’iisul wasaare ku xigeenka, ahna wasiirka diinta iyo owqaafta Somalia, Ridwaan Xersi Maxamed ayaa sheegay in dowladda ay isugu geysnayso awoodeeda xaqiijinta ammaanka Muqdisho.
Xukuumadda Soomaaliya ayaa ku dhawaaqday maanta in dalka ay ka jiraan abaaro iyo biyo la’aan daran, iyagoo guddi gaar ah u saaray wax ka qabashada dhibaatooyinkaas.
Wasaaradda Tamarta iyo Biyaha ee Xukuumadda Federaalka Soomaaliya ayaa ku baaqday in gurmad deg deg ah lala gaaro dadka ay saameeysay biyo la’aanta ka jirto deegaanno ka tirsan Gobollada Dhexe ee Dalka.
Muqdisho, April 24, 2014----- Ra’iisul Wasaaraha Xukuumadda Federaalka ee Soomaaliya Mudane Cabdiweli sheekh Axmed Maxamed ayaa maanta shir guddoomiyey kulanka joogtada ah ee golaha wasiirada Xukuumadda Federaalka Soomaaliya, kaasi oo looga hadlay ansixinta guddoomiyaha bangiga dhexe iyo ku-xigeenkiisa. Golaha ayaa sidoo kale ka hadlay maamul u samaynta gobolada iyo degmooyinka dalka, iyadoo arrintaasi go’aan laga gaaray.
Xukuumada Soomaaliya ayaa u gudbisay Baarlamaanka Soomaaliya ayaa u gudbisay sharciga la dagaalanka Argagixisada, kaasoo lagu wado in dhowaan ay meel mariyaan.
Muqdisho, April 22, 2014----- Ra’iisul Wasaaraha Xukuumadda Federaalka ee Soomaaliya Mudane Cabdiweli sheekh Axmed Maxamed ayaa maanta shir guddoomiyey kulan aan caadi ahayn oo Golaha Wasiirada Xukuumadda Federaalka Soomaaliya ka yeeshay samaynta maamul goboleedyada dalka. Golaha ayaa dood dheer ka yeeshay muhiimadda ay leedahay in si waafaqsan dastuurka iyo shuruucda dalka loo sameeyo maamulada gobolada, gaar ahaan deegaanada laga xoreeyey kooxaha nabad-diidka.
Xukuumada Soomaaliya oo maanta magacawday Guddi Wasiiro ah oo ka soo talo bixiya hay’adaha caalamiga
Golaha Wasiiradda ee Xukuumadda Federaalka Soomaaliya ayaa maanta yeeshay kulankoodii caadiga ahaa, waxaana shir guddoominayey Ra’iisul Wasaare ku xigeenka ahna Wasiirka Diinta iyo Awqaafta mudane Ridwaan Maxamed Xirsi.
Xukuumadda Federaalka Soomaaliya ayaa dowladda Kenya ugu baaqday in la joojiyo tacadiyada iyo gabood fallada lagula kacayo Muwaadiniinta Soomaaliyeed ee ku nool dalka Kenya, kuwaas oo xaalado adag ay soo wajaheen todobaad yadii ugu dambeeyay.
Mogadishu, March 08, 2013…… Ra’iisul Wasaaraha Xukuumadda Federaalka ee Soomaaliya mudane Cabdiwali Shiikh Axmed Maxamed ayaa maanta haweenka Soomaaliyeed ugu hanbalyeeyey munaasabadda 8-da March ee maalinta haween-weynaha adduunka.
Wasiirka Arimaha Gudaha iyo Federaalka Somaliya Mudane Cabdullaahi Goodax Barre ayaa waxa uu sheegay inay xukuumada ay raacsan tahay go’aankii uu hore madaxweyaha uga qaatay maamul usameynta la isku khilaafsan yahay ee laga dhisayo Baydhabo,iyadoo Xukuumadu ay qorsheyneyso inta la xoreynayo meelaha Al Shabaab inan maamul aan la sameyn karin.
Ra’iisul wasaaraha Somalia, C/weli Sheekh Axmed Maxamed ayaa gudoomiyay shir aan caadi ahayn oo xalay lagu soo gaba-gabeeyay xarunta madaxtooyada Soomaaliya, kaasoo looga hadlay arrimo ay ka mid yihiin qorshaha dhanka amniga ee Xukuumadda Soomaaliya iyo ka-hortagga falalka argagixisanimo ee kooxaha nabadda ka soo horjeeda ay ku hayaan shacabka Soomaaliyeed.
Ra’iisul Wasaaraha Xukuumadda Federaalka ee Soomaaliya mudane Cabdiwali Shiikh Axmed Maxamed ayaa maanta magaalada Muqdisho ku shir-guddomiyey kulankii labaad ee uu yeeshay guddiga haggidda iyo socod-siinta ee Hay’adda Dib-u-dhiska iyo Horumarinta Soomaaliya ee loo soo gaabiyo (SDRF).
Ra’iisul Wasaaraha Xukuumadda Federaalka ee Soomaaliya mudane C/weli Shiikh Axmed Maxamed ayaa ummadda Soomaaliyeed uga tacsiyeeyey geeridii naxdinta lahayd ee ku timi Ra’iisul Wasaarihii hore ee Soomaaliya allaha u naxariistee C/risaaq Xaaji Xuseen oo ku geeriyooday dalka Maraykanka.
Ra’iisul Wasaaraha Soomaaliya Cabdiweli Sheekh Axmed Maxamed ayaa maanta soo gabagabeeyey kulankii labada cisho soconayay ee looga hadlayay qorshaha xukuumada ee sanadka 2014, waxaana kulankan maanta si gaar ah loogu casuumay xubno matalayay beesha caalamka, dalalka deeqbixiyeyaasha, iyo safaaraddo.
Ra’iisul Wasaaraha Soomaaliya Cabdiweli Sheekh Axmed Maxamed ayaa maanta furay kulan howleed labo cisho socon doona kaasoo Golaha Wasiirada ee Xukuumada si gaar ah uga wadatashan doonaan howlaha baaxada leh ee horyaala iyo sidii loogu fulin lahaa muhiimadaha ay kala leeyihiin, gaar ahaana qorshaha sanadka 2014-ka.
Ra'iisul Wasaaraha xilka ka degaya Cabdi Faarax Shirdoon (Saacid) ayaa soo dhoweeyay go'aankii Baarlamaanka Soomaaliya uu kalsoonida kala laabtay Xukuumada, kadib shir maanta Golaha Wasiirada ay ku yeesheen magaalada Muqdisho.
Baarlamaanka
Soomaaliya ayaa kalsoonida kala noqday Ra'iisul Wasaarihii hore ee Saacid,
kadib saddex maalmood oo uu Baarlamaanka dood kulul ka lahaa mooshin laga
keenay Xukuumada uu hogaamiyo.
Ra'iisul Wasaaraha Soomaaliya Cabdi Faarax Shirdoon (Saacid) ayaa war
saxaafadeed xafiiskiisa ka soo baxay ayaa sheegay in eedeymaha mooshinka
ku xusan ee Xukuumadiisa loo soo jeediyay ay xaq u leedahay inay iska
difaacdo.
Muqdisho,
Khamiis, 28, Nove, 2013-----Golaha Wasiiradda ee Xukuumadda Federaalka
Soomaaliya ayaa maanta isugu yimid kulankoodi caadiga, kaasoo uu shir
gudoominayey Ra’iisul Wasaaraha Xukuumada Mudane Cabdi Faarax Shirdoon
“Saacid”, iyadoo looga dooday qodobo dhowr ah oo ay ka mid ahaayeen
Miisaaniyadda sanada 2014, Gudoomiyaha KMG ah ee Bangiga dhexe, iyo
arrimaha amniga.
Muqdisho,24, Nov.2013…Shir deg deg ah oo ay maanta isugu yimaadeen
Gollaha Wasiirada ee Xukuumadda Federaalka ah ee Soomaaliya ayaa looga
dhagaystay warbixino gudiyo wasiiro oo loo kala diray gobolada
shabellooyinka iyo Hiiraan, Miisaaniyada sanadka 2014. Waxaana shir
gudoominayey Ra’iisul Wasaaraha XF ah ee Soomaaliya mudane Cabdi Faarax
Shirdoon “Saacid”
Muqdisho, October 27, 2013----Golaha Wasiirada ee Xukuumada Federaalka Soomaaliya ayaa maanta kulan aan caadi ahayn ku yeesheen xaruntooda Muqdisho waxaa looga dooday kordhinta Miisaaniyadda sanadaka 2014-ka, heshiis dhowaan dhex maray wasaaradda howlaha guud iyo gaadiidka badda iyo Shirkad laga leeyahay dalka Turkiga oo lagu magacaabo Al Bayrak taasoo la wareegi doonta maamulka iyo horumarinta howlaha dakadda weyn ee Muqdisho.
Muqdisho, October 24, 2013-----Golaha Wasiiradda ee Xukuumadda Federaalka Soomaaliya ayaa maanta isugu yimid kulankoodii joogtada ahaa, kaasoo uu shir gudoominayey Ra’iisul Wasaaraha Xukuumada Federalka Soomaaliya Mudane Cabdi Faarax Shirdoon “Saacid”, iyadoo looga hadlay qodobo ay ka mid yihiin Miisaaniyadda dawladda ee 2014, dib u howlgelinta Boostadii dalka Soomaaliya iyo weliba hoos u dhaca afduubyadii Burcad-badeeda ee sanadkan.
Muqdisho, October 19, 2013----Ra’iisul Wasaaraha Xukuumada Federaalka Soomaaliya Mudane Cabdi Faarax Shirdoon “Saacid” ayaa si adag u cambaareeyey weerarkii bahalnimada ahaa ee ka dhacay magaalada Beledweyne ee xarunta gobolka Hiiraan, halkaasoo ay ku geeriyoodeen shacab fara badan oo aan waxba galabsan.
Xukuumadda Soomaaliya ayaa sheegtay in ay wadda qorshe lagu sii daynayo maxaabiista Soomaalida ah ee ku xiran dalalka Liibiya, India, Kenya, Ethiopia, Seychelles, Yeman iyo dalal kale.
Nin la sheegay in uu asal ahaan ka soo jeedo Soomaaliya balse haysta dhalashada Norway ayaa la sheegay in uu ku lug lahaa weerarkii 21-kii September lagu qaaday xarunta ganacsiga Westgate ee magaalada Nairobi.
Muqdisho, October 17, 2013-Golaha Wasiirada ee Xukuumada Federaalka Soomaaliya yaa maanta yeeshay kulankoodii joogtada ahaa kaasoo uu shir guddoominayay Ra’iisul Wasaaraha Xukuumada Mudane Cabdi Faarax Shirdoon Saacid, iyadoo kulankan diirada lagu saaray qorshaha adeega Caafimaadka ee Aasaasiga ah, heshiis Millateri oo ay kala saxiixdeen dawladdaha Soomaaliya iyo Talyaaniga iyo warbixin laga dhegeystay Wasiirka Arrimaha Dibadda Fowsiyo Yuusuf Xaaji Aadan.
Wasiirka Warfaafinta, Boostada, Isgaarsiinta iyo Gaadiidka C/llaahi Ciilmooge Xirsi ayaa sheegay in shirkada SKA ay shaqada ka wareejiyeen markii ay fulin weyday waxyaabihii lagu balamay.
Golaha Wasiirada Soomaaliya oo maanta shir ku yeeshay
magaalada Muqdisho ayaa ka hadlay arrimo badan oo ay ka mid yihiin amniga, howl
galada Ciidamada xooga dalka ka wadaan gobolada dalka iyo howl galkii Baraawe
ay ka fuliyeen Ciidamo Mareykan ah.
Dowladda Soomaaliya ayaa ka hadashay weerarkii Ciidamada Kumandoska Mareykanka ay habeen hore xilli saq dhexe ka fuliyeen guri ku yaala degmad Baraawe ee Koofurta Soomaaliya, halkaasoo lagu tuhunsanaa in dagaalyahan ka tirsan Shabaab uu ku sugnaa.
