Musharixiinta Jubbaland oo sharuud ku xiray ka qeybgalka doorashada

Musharixiinta u taagan xilka madaxweynaha dowlad gobolleedka Jubbaland oo Kismaayo kulan kula qaatay wakiilka Urur gobolleedka IGAD ayaa waxaa ay u gudbiyeen sharuud ay ku xireen ka qeybgalka doorashada Jubbaland.

Musharixiinta Jubbaland oo sharuud ku xiray ka qeybgalka doorashada

Musharixiinta oo aan wali is diiwaan-galin ayaa dood ka qaba sharci ahaanshaha guddiga doorashada Jubbaland, iyaga oo dhinaca kala dalbaday in wax ka badal lagu sameeyo hannaanka ay hadda wax u socdaan.

 Sharuudaha ay ku xireen doorashada musharixiinta ayaa waxaa ka mid ah :- 

1: In Xildhibaannada ay soo xulaan Odayaasha Saxda ah ee Jubbaland.

2: In hal qof  loo soo xulo  kursi Xildhibaan

3: In doorashada Madaxweynaha Baarlamaanka Jubaland ay qabtaan.

4: In doorashada ay ka dhacdo goob ka madax bannaan  Xarumaha Maamulka Jubbaland sida xarunta QM.

5: In Ammaanka goobta doorashada iyo amaanka musharixiinta ay sugaan Ciidamada AMISOM.

6: In doorashada Jubbaland ay goobjoog ka noqdaan Xubno ka socda Dowlada Federaalka

7: In in Goob joogayaal Caalami ah  la helo sida Xubno ka socda Beesha Caalamka.

8: In Warbaahinta gudaha iyo tan dibadda ay goobjoog ka ahaadaan doorashada.

 

Doorashada oo lagu wado in ay dhacdo daba-yaaqada bishan Augusto, ayaa wali waxaa ku hareereysan shaki la xiriira in ay ku dhici karto waqtigii loogu talagalay madaama wali ay jiraan dooddo ka imanaya dhinaca musharixiinta la baxay Isbadal -Doonka ee kursiga kula tartamaya madaxweyne Axmed Maxamed Islaam Axmed Madoobe.
Section  Somali
Category   Local News
Tag  KISMAAYO

Comments

comments powered by Disqus
Valid XHTML 1.0 Valid CSS