Madaxweyne Farmaajo oo magacaabay Guddi qaabilsan Wada hadalada Somaliland (Akhriso Magacyada)

Madaxweynaha dowladda Federaalka ah ee Soomaaliya Maxamed C/llaahi Farmaajo ayaa wareegto uu soo saaray ku magacaabay Guddiga Dhab u heshiisiinta iyo Wada Hadalada dowladda Federaalka Soomaaliya iyo Somaliland. 


Madaxweyne Farmaajo oo magacaabay Guddi qaabilsan Wada hadalada Somaliland (Akhriso Magacyada)

Xubnaha guddiga ayaa ka kooban lix xubnood oo isugu jira xubno xilal hore u soo qabtay iyo Xildhibaano ka tirsan Baarlamaanka Federaalka ah ee Soomaaliya.

Guddigan ayaa waxaa guddoomiye u ah Xildhibaan C/llaahi Sheekh Ismaaciil oo horay u soo noqday Wasiirka Arrimaha Dibadda Soomaaliya dowladdii KMG aheyd.

Haddaba halkan hoose ka akhriso magacyada Guddiga oo u muuqda kuwo lagu salleeyay habka awood qeybsiga ee 4.5

1-Xil. Cabdullaahi Sheekh Ismaaciil, Guddoomiyaha guddiga.
2-Cabdiraxmaan Cabdi Xuseen (Guulwade) Guddoomiye kuxigeen.
3-Dr. Cabdiraxmaan Macalin Cabdullaahi (Baadiyow)
4- Dr Cali Siciid Fiqi
5-S/G: Axmed Jaamac Muuse
6-Xil. Cali Axmed Jaamac (Jangeli

Magacaabida Guddigan qaabilsan Wada hadalada Somaliland ayaa ku soo beegmaya, iyadoo uu hakad ku jiray wada hadaladii dowladda Federaalka Soomaaliya iyo Somaliland, tan iyo markii la doortay Madaxweyne Farmaajo.

Section  Somali
Category   Local News
Tag  muqdisho

Comments

comments powered by Disqus
Valid XHTML 1.0 Valid CSS