Maxamed Qanyare Afrax oo saaka ku geeriyooday magaalada Muqdisho

Maxamed Qanyare Afrax oo horay u soo noqday Wasiirka Amniga Qaranka iyo Xildhibaan ayaa saaka ku geeriyooday magaalada Muqdisho, sida ay xaqiijiyeen eheladiisa. 


Maxamed Qanyare Afrax oo saaka ku geeriyooday magaalada Muqdisho

Allaha u naxariistee Maxamed Qanyare ayaa ku jiray Isbitaalka Erdogan (Ex Digfeer) ee magaalada Muqdisho, halkaasoo uu muddooyinkan ku xanuunsanayay lagulana tacaalayay xaaladiisa caafimaad.

Maxamed Qanyare ayaa ka mid ahaa Hoggaamiyeyaashii siyaasadda ee awoodda ku lahaa Magaalada Muqdisho, waxaa lagu xusuustaa inuu xubin firfircoon kulahaa aas aaskii isbaheysigii la dagaalanka Argagixisda ee markii dambe ka adkaadeen Maxkamadihii islaamiga.

Sidoo kale Maxamed Qanyare ayaa dowladdii KMG ee lagu soo dhisay dalka Kenya ka noqday Wasiirka Amniga Qaranka, sidoo kale waxaa uu ahaa Musharaxii saddexaad ee ugu codka badnaa doorashadii xilka Madaxweynaha ee Embaghatii ka dhacday sanadkii 2004.

Kaddib sanadkii 2012-dii markii Soomaaliya ka baxday KMG ayaa Maxamed Qanyare waxaa uu ka baxay siyaasadda, isagoo xilligaas ay xanuuno soo wajaheen, waxaa kursigii Xildhibaannimada uu ku fadhiyay bedelay wiil uu dhalay oo lagu magacaabo C/weli Maxamed Qanyare.

Section  Somali
Category   Local News
Tag  muqdisho

Comments

comments powered by Disqus
Valid XHTML 1.0 Valid CSS