Kenya oo ka hadashay sababta ka dambeysa joojinta duulimaadyadii tooska ahaa ee Muqdisho iyo Nairobi

Dowladda Kenya ayaa faah faahin ka bixisay sababta ka dambeysa go’aankii ay ku joojisay duulimaadyadii sida tooska ahaa uga tagi jiray magaalada Muqdisho ee ka degayay Nairobi, kuwaasoo loo leexiyay Garoonka Wajeer. 


Kenya oo ka hadashay sababta ka dambeysa joojinta duulimaadyadii tooska ahaa ee Muqdisho iyo Nairobi

Agaasimaha waaxda badbaadada duulimaadka Kenya ayaa sheegay in arrimo amni darteed ay u qaadeen tallaabadan, iyadoo ay muuqato walaac ay Kenya ka qabto amniga garoonka Muqdisho oo ah mid si weyn loo ilaaliyo oo ay baaraan dadka duulaya Ciidamo Soomaali iyo AMISOM

Kenya waxa ay sheegtay in xanibaadan cusub ay sii socon doonto ilaa laga gaaro 9-ka bisha Augosto, mudadaas saddexda bil waxey sheegtay in lagu qiimeyn doono waxa isbedel ah ee dhaca, iyadoo kadibna laga baaraan dagi doono in go’aanka sidiisa ahaado ama dib u eegis lagu sameeyo.

Wasiirka Gaadiidka iyo Duulista Hawada ee Soomaaliya Maxamed C/llaahi Salaad Oomaar, ayaa isagu meesha ka saaray in arrimo amni ay Kenya u soo rogtay xanibaadan cusub, wuxuuna tilmaamay inay tuhunsan yihiin in go’aankan uu yahay mid ay ka dambeyso arrimo Siyaasadeed.

Si kastaba, duulimaadyadii u horeeyay ee ka baxay Muqdisho waxay shalay ka dageen Garoonka Diyaaradaha Wajeer ee Gobolka Waqooyi Bari Kenya, halkaasoo mudo laba saacadood oo baaritaan dheer ah kadib diyaaradihii Muqdisho ka yimid u duulay Garoonka Wajeer.

Section  Somali
Category   Local News
Tags  KENYA WAJEER

Comments

comments powered by Disqus
Valid XHTML 1.0 Valid CSS