Milatariga Sudan oo sheegay in lagu maxkamadeyn doono Cumar Al-Bashiir gudaha dalka Sudan

Shir jaraa’id ay qabteen militariga Suudaan ayaa waxay uga hadleen xaalidihii ugu dambeeyay ee dalkaasi kadib markii ay militariga la wareegeen xukunka. 


Milatariga Sudan oo sheegay in lagu maxkamadeyn doono Cumar Al-Bashiir gudaha dalka Sudan

Madaxa guddiga siyaaasadda ee militariga Suudaan Janaraal Cumar Zeyn Al Caabidiin ayaa sheegay in Madaxweynihii hore ee Sudan Cumar Al Bashiir lagu maxkamadeyn doono gudaha dalka isla markaasna aysan tarxiili doonin.

Waxaa uu sheegay in madaxweynihii xilka laga tuuray Al Bashiir uu hadda gacantooda ku jiro“Bashiir waxaa lagu maxkamadeyn doonaa gudaha dalka” ayuu yiri Cumar Zeyn Al Caabidiin.

Waxaa uu intaasi ku daray in muwaadin kasta oo reer Suudaan ah oo dambi galay aanan la horkeeni doonin maxkamad shisheeye ah inta ay golaha militariga ay hayaan awoodda dalka.

Waxaa uu u sidoo kale sheegay in mustaqbalka dowlad rayid ah oo timaadda inay go’aamada ay wax ka baddali karaan.

Maxkamadda dambiyada caalamiga ah ee ICC ayaa ku eedeeysay Al Bashiir inuu dambiyo dagaal ka geystay gobolka Daarfuur ee dalka Suudaan.

Section  Somali
Category   Local News
Tag  Suudaan

Comments

comments powered by Disqus
Valid XHTML 1.0 Valid CSS