15 qof oo loo xiray is rasaaseyn ay dad ku dhaawacmeen oo ka dhacday magaalada Boosaaso

Ugu yaraan 4 ruux ayaa ku dhawaacmay is rasaaseyn la sheegay inay u dhaxeysay labo shirkadood oo korantada ka shaqeeya magaalada ganacsiga ah ee Boosaaso,sida ay mas'uuliyiinta xaqiijiyeen.

15 qof oo loo xiray is rasaaseyn ay dad ku dhaawacmeen oo ka dhacday magaalada Boosaaso

Duqa degmada Boosaaso, Cabdisalaan Bashiir Cabdisalaan oo ka hadlay iska horimaadka waxa uu sheegay ciidanka amniga inay xireen ilaa 15 qof oo isugu jira maamullayaasha shirkadaha,shaqaalaha iyo ciidanka ilaalada xarumaha ee rasaasta furay.

"Xaaladda way daggantahay, ciidanka ayaana xiray dhammaan dhinacyadii iska horimaadka uu u dhaxeeyay". ayuu yiri duqa degmada Boosaaso oo inta ku daray khilaaf muddo soo jiray oo u dhaxeeyay labada shirkad ee kala ah Golis iyo Eeneeyo inuu ka dhashay iska horimaadka ka dhacay Boosaaso.
Duqa degmada Boosaaso, waxa uu sheegay in maamulka uu ku dadaallayo in shuruuc kala hagta loo helo shirkadaha ku baratamaya ganacsiga magaalada Boosaaso.

Section  Somali
Category   Local News
Tag  BOOSAASO

Comments

comments powered by Disqus
Valid XHTML 1.0 Valid CSS