Wasaaraddo ka tirsan Xukuumadda Soomaaliya oo la sheegay in Korontada laga goostay

Wasaaraddo ka tirsan Xukuumadda Soomaaliya ayaa la sheegay in korontada laga goostay, kaddib markii lagu yeeshay lacago. 


Wasaaraddo ka tirsan Xukuumadda Soomaaliya oo la sheegay in Korontada laga goostay

Ilo kala duwan ayaa xaqiijinaya in illaa shan wasaaradood laga goostay korontada, iyagoo maalmo koronto la’aan ahaa.

Wararka ayaa sheegaya in wasaaradaha aanay muddo afar bilood bixin lacagta korontada ee bilaha, waxaana wasaaradaha laga jartay korontada ka mid ahaa Wasaaradda Beeraha, Ganacsiga, xanaanada xoolaha, batroolka iyo gaadiidka, sida ay xaqiijiyeen ilo kala duwan.

Wasaaradaha laga jartay Korontada ayaa la sheegay inay heli waayeen lacagihii loogu tala galay adeegyada lagama maarmaanka u ah Wasaaradaha sida biyaha iyo Korontada oo qarash gaar wasaarad walba loo siin jiray inay ku dabirto arrimahaas.

Sidoo kale waxaa xubno ka tirsan shaqaalaha Wasaaradaha laga soo xigtay in koronto la’aan noqdeen, balse markii dambe dib loogu soo fasaxay korontada.

Xarumaha Wasaaradaha ayaa waxaa koronto siiya shirkado Koronto oo gaar loo leeyahay, kuwaasoo ku soo dalacda lacago bil walba isticmaalka korontada.

Section  Somali
Category   Local News
Tag  muqdisho

Comments

comments powered by Disqus
Valid XHTML 1.0 Valid CSS