Wasiirka Arrimaha Dibadda oo ka hadlay Gabar Soomaali isku gubtay Jaziirada Nauru

Wasiirka Arrimaha Dibadda Soomaaliya C/salaan Cumar Hadliye ayaa sheegay inay dowladda Soomaaliya la socoto gabar 21 jir Soomaali ah oo isku gubtay xero qaxooti ku taal Jaziirada Nauro oo ku dhow Australia.

Wasiirka Arrimaha Dibadda oo ka hadlay Gabar Soomaali isku gubtay Jaziirada Nauru

Gabadhan oo lagu magacaabo Hodon Axmed Barre ayaa horay looga soo celiyay Australia, iyadoo dowladda Australia ay sharci adag ka soo saartay qaxootiga.

“Waa la soconaa gabar 21 jir ah oo is gubtay, si ay u tusto dareenka dadka Soomaaliyeed iyo dadka kale ee qaxootiga ee dhegaha laga xirtay, dowladda Soomaaliya waa la socotaa in Australia ay diiday in qaxooti dalkeeda soo galaan”ayuu yiri Wasiir Hadliye.

Mr Hadliye ayaa sheegay in dowladda Soomaaliya ay ku dadaaleyso sidii xaalada dalka loo hagaajin lahaa, isagoo xusay in aanay dalalka caalamka ka qarsooneyn xaalada dalka uu ku sugan yahay.

Qaxootiga ku nool Jasiiradan ayaa waxa ay ka kala yimaadeen dalal badan oo caalamka, iyadoo dad gaaraya afartameeyo oo isugu jira lab iyo dheddig ay ku jiraan xeryaha, dadkan ayaa doonayay inay galaan dalka Australia hase yeeshee dowlada Australia ayaa geysa dadka qaxootiga ah jasiiradan.

Section  Somali
Category   Local News
Tags  arimaha dibada somalia Wsiirka

Comments

comments powered by Disqus
Valid XHTML 1.0 Valid CSS