151 entries
Articles Published in March, 2015
Wada hadalada u dhaxeeya dowladda Soomaaliya iyo Maamulka Somaliland ayaa maanta la filayaa inuu ka furmo magaalada Istanbul ee dalka Turkiga, kadib markii ay gaareen wafuudii labada dhinac ka kala socotay.
Maxkamada Gobolka Banaadir ayaa maanta mar kale u balansan dhageysiga dacwada loo heysto Wariyeyaal ka tirsan Idaacadaha Shabelle, SKY FM iyo Radio Risaala, kuwaasoo bishii hore la horgeeyay Maxkamadda.
Madaxweyne kuxigeenka dalka Seirra Leone Samuel Sam-Sumana ayaa sheegay inuu is karantiilay, kadib markii mid ka mid ah ilaaladiisa uu u dhintay cudurka dilaaga ah ee Ebola.
Gaari ay ka buuxeen waxyaabaha qarxa ayaa abaarihii maqribkii ku qarxay agagaarka Isgoyska Al-Baraka ee degmada Hodan, iyadoo qaraxa ka hor is rasaaseyn ay dhex martay ciidamo ka tirsan Booliska oo ku sugnaa jidka Sodonka iyo labo ruux oo gaariga wadatay.
Wasiirkii Maaliyadda Somaliland C/casiis Maxamed Samaale oo ka mid ahaa Wasiiradii uu isku shaandheynta ku sameeyay Madaxweyne Siilaanyo ayaa iska diiday xilkii loo magacaabay ee Wasiirka Waxbarashada iyo Tacliinta Sare.
Wafdiga Somaliland u matalaya wada hadalada Istanbul ayaa mar kale diiday inay hor fariistaan xubno ka mid ah wafdiga dowladda Soomaaliya, iyadoo dadaalo tan iyo xalay ay wadeen Mas’uuliyiin ka tirsan Wasaaradda Arrimaha Dibada Turkiga oo ku saabsanaa sidii xal loogu heli lahaa caqabada taagan ay guuldareysteen.
Wararka ka imaanaya degmada Buur-dhuubo ayaa sheegaya in askarigii dilay Gudoomiye kuxigeenkii degmadaas lagu xukumay dil toogasho ah, marki Maxkamad ku taal degmadaas ay u fariisatay qaadista kiiska dilka.
Guud ahaan ammaanka xarunta baarlamaanka dalka Kenya ee magaalada Nairobi ayaa sare loo qaaday kadib markii ay soo baxeen warar sheegaya in ururka Alshabaab uu qorsheynayo inuu weerar ku soo qaado.
Maamulka Gobolka Galgaduud ayaa ugu baaqay dowladda Soomaaliya iyo Hey’addaha sama falka inay gurmad deg deg ah la gaaraan dadkii ku barakacay dagaaladii dhowaan ka dhacay Guriceel.
