173 entries
Articles Published in September, 2014
Sarkaalkiil Mareykanka ah ayaa sheegay in lagu dilay duqeyntii xalay uu Mareykanku ka geystay deegaan ku dhow degmada Sabalaale ee gobolka Shabeellada Hoose hoggaamiyaha Al-shabaab Axmed Cabdi Godane iyo saraakiil kale oo la socday.
Gudiga dib u heshiisiinta beelaha dega Jubooyinka ayaa maanta magaalada Kismaayo ka bilaabay kulamo tashi ah oo ay la yeelanayaan beelaha kala duwan ee dega Jubooyinka, kuwaasoo la filayo in ay ka qeybqaataan shirweeynaha dib u heshiisiinta Jubooyinka ee la qorsheynayo in 16-ka bishan uu ka furmo Kismaayo.
Xili gobollada koonfurta iyo bartamaha Somalia ka soconayaan howlgalo ka dhan ah Al-shabaab oo ay dowladda ugu magac-dartay India Ocean {Badweynta Hindiya] ayaa warar soo baxaya waxaa ay sheegayaan in ciidammada xoogga dalka Soomaaliyeed oo kaashanaya kuwa midowgga Africa AMISOM kaabiga ku hayaan degmada Jalalaqsi ee gobolka Hiiraan.
Sarkaal Sare oo ka tirsan Al-shabaab ayaa sheegay wakaaladda wararka AP in duqeyntii diyaaradaha Mareykanka ee aan duuliyaha lahayn ay ka geysteen gobolka Shabeellada Hoose lagu dilay lix saraakiisha sare ee Al-shabaab ka tirsanaa.
War qoraal ah oo ay soo saareen Al Shabaab ayaa waxa ay ku sheegeen in uu nool yahay Amiirkooda Al Shabaab Sheekh Muqtaar, Cabdiraxmaan Abuu Zubeyr.
Kooxda Daacish oo bilihii lasoo dhaafay la wareegtay Magaalooyin badan oo kuyaala Dalka Ciraaq ayaa hada lasoo sheegayaa in awoodeeda ay hoos u dhacday ayna lumiyeen gacan ku heynta Magaalooyin iyo deegaano ay horey u qabsadeen.
Xukumadda Federaalka Soomaaliya ayaa sheegtay in ay Ogeyd Weerarkii Duqeynta ee Diyaaradaha Mareykanka ay la beegsadeen Gaadiid uu la socdo Hogaamiyaha Al-shabaab Axmed Cabdi Godane,oo Shabaab Dhaxdooda looga yaqaano Sheikh Muqtaar Abuu Zubeyr.
Wararka naga soo gaaraya degmada Buula-bure ayaa sheegaya in goor dhaw ay halkaa gaareen gadiid xamuul ah oo sidda raashin ka badan 200 oo tan oo uu ku deeqay madaxweynaha dalka Jabuuti Ismaacil Cumar Geelle.
Ugu yaraan saddex qof ayaa geeriyooday, toddoba kalena way ku dhaawacmeen madaafiic ku dhacay xaafadda Buulo-xuubeey ee degmada Wadajir saqdii dhexe ee xalay, kuwaasoo aan la ogeyn halka laga soo tuuray.
Afar dhallinyaro Soomaali ah oo ku xiran xabsiga ku yaalla dalka Kenya loona haysto weerarkii Westgate Mall bishii September ee sannadkii hore ayaa sheegay in si xun loo garaacay kaddib markii ay diideen inay xirtaan dharka maxaabiist la xukumay.
