Shabaab oo sheegtay in ay dishay saraakiil jabuuti ah iyo Saraakiisha Ciidamada Jabuuti ee ku sugan B/Burde oo beeniyay war ka soo baxay Al-Shabaab

Ururka Al-Shabaab oo ka mid ururada Diimeed ka dagaalamo Soomaaliya ayaa sheegay in ay dagaalkii shalay ee Dagmada Buula Burde ay ku dileen Saraakiil Jabuutiyaan ah sida uu sheegay Afhayeenka Howlalka Ninka lagu magacaabo Cabdi Caziiz Abuu Muscab.

Shabaab oo sheegtay in ay dishay saraakiil jabuuti ah iyo Saraakiisha Ciidamada Jabuuti ee ku sugan B/Burde oo beeniyay war ka soo baxay Al-Shabaab

Waxa uu tilmaamay in ay dagaalkaasi shalay ay ku dileen nin uu magiciisa ku sheegay Guuleed oona ahaa ninla labaad ee ugu sareeyo Ciidanka Jabuuti ka jooga Soomaaliya

Dhanka kale Saraakiisha Ciidamada Jabuuti ee ka midka ah howl galka AMISOM ayaa beeniyay war ka soo baxay Al-Shabaab, kaasoo ahaa dagaal shalay ka dhacay degmada Buulo Burde ay ku dileen Taliye kuxigeenkii Ciidamada.

Afhayeenka howl galada Al-Shabaab Sheekh C/casiis Abuu Muscab oo ka hadlayay dagaalkii shalay ayaa sheegay in Ciidamada Jabuuti ka dileen Taliye kuxigeenkii ciidamada oo uu magaciisa ku sheegay Col. Guuleed.

Abuu Muscab ayaa sheegay in weerarkii ay ku qaadeen Buulo Burde qasaare ku gaarsiiyeen ciidamada Jabuuti sida uu hadalka u dhigay.

Taliyaha qeybta afaraad ee Ciidamada Jabuuti Col. C/raxmaan Cabdi ayaa sheegay in aanay jirin warka ka soo baxay Al-Shabaab, isagoo sheegay in aanay ciidamada Jabuuti ka mid aheyn sarkaalka magaciisa ay sheegeen.

"Warkaas waa waxba kama jiraan, waa maah maahdii Soomaaliga ee oraneysay nin daad qaaday xumbo cuskay, itaalkooda wuxuu noqday been in la sheego, warkaas waxba kama jiro, dagaal ayay soo qaadeen waana la ceyriyay"ayuu yiri Col. C/raxmaan Cabdi.

Waxaa uu sheegay in dagaalkii shalay ay soo qaadeen uu ujeedkiisa ahaa in idaacadaha ha laga maqlo ee halaga sheego, waxaana uu tilmaamay in dhowaan ay qorsheynayaan inay Al-Shabaab ka saaraan meelaha ay ku dhuumaaleysanayaan sida uu yiri.

"Anaga nin la yiraahdo Guuleed saraakiisha kuma jiro, Taliye kuxigeenka waxaa la dhahaa Ibraahim, Taliyahana waxaa lagu magacaabaa Dhubad, meel ay ka keeneen magacaas Guuleed la yiraahdo ma ogin"ayuu sii raaciyay hadalkiisa.

Degmada Buulo Burde oo ka mid aheyd deegaanada ay ku xooganaayeen Al-Shabaab ayaa bartamihii bishii hore ay la wareegeen ciidamada dowladda iyo kuwa AMISOM, iyadoo wadooyinka laga soo galo degmadaas ku sugan yihiin Al-Shabaab.

Section  Somali
Category   Local News
Tags  burde buula

Comments

comments powered by Disqus
Valid XHTML 1.0 Valid CSS