Shir looga hadlayo la dagaalanka burcad badeeda & Al Shabaab oo ka socda dalka Jabuuti

Sagal Radio Services • News Report • February 4, 2014

Mas’uuliyiin ka kala socda 60 dal ayaa ka qeyb galaya shir looga hadlayo khatarta ururada argagaxisada Gobolka iyo tan Burcad badeeda somaalida waxaana shirkan oo ah kii labaad marti galinaya dowladda Jabuuti.

Shir looga hadlayo la dagaalanka burcad badeeda & Al Shabaab oo ka socda dalka Jabuuti

Ka qeyb galayaasha shirkaasi aya maalintii labaad ka doodaya sida looga hortagi karo Al-Qaacidada Gacanka cadmeed iyo xarakada Al-Shabaab ee Somaaliya ka dagaalanta oo loo arko inay caqabad ku yihiin nabadgaliyada  gobolka.

Danjiraha Mareykanka u fadhisa Jabuuti Geeta Pasi oo hogaaminasa wafdiga Mareykanka uga qeyb galaya shirkaasi ayaa qirtay in wadamada Africa ay dhibaato xoog leh ku qabaan burcad badeeda iyo kooxaha xiriirka laleh Al-qaacida oo Al-Shabaab ay kamid tahay.

 Dowladda Yemen oo dagaal adag kula jirta Al-Qaacida ayaa martigalisay wajiga Koowaad ee shirkan Bishii April 2013 waxaana lagu wadaa in maalinta beri ah lasoo afmeero kulanaaksi lagana soo saaro talooyin dalalka Gobolka ay uga gudbayaan Caqabadaha dhinaca Amaanka ee ka imaanaya Al-Shabaab iyo Al-Qaacida iyo Burcad badeeda Somaalida.

Section  Somali
Category   Local News
Tag  jabuuti

Comments

comments powered by Disqus
Valid XHTML 1.0 Valid CSS