Maamulka G/Banaadir Oo Qorsheynaya Kordhinta Xarumaha Laga Bixiyo Warqadaha Dhalashada Iyo Suganaanta

Maamulka Gobolka Banaadir ayaa sheegay inuu balaarin doono xarumaha laga bixiyo warqadaha sugnaanta iyo dhalashada.

Maamulka G/Banaadir Oo Qorsheynaya Kordhinta Xarumaha Laga Bixiyo Warqadaha Dhalashada Iyo Suganaanta

Afhayeenka maamulka gobolka Banaadir mudane Maxamed Yuusuf oo la hadlay Radio Muqdisho ayaa sheegay iney sii kordheen tirada dadka qaadanaya warqadaha sugnaanta iyo dhalashada,  isagoo xusay in maamulka gobolku qorsheynayo sidii loo badin lahaa xarumaha laga bixiyo warqadahaasi oo hadda ah hal meel.

Mudane Maxamed Yuusuf ayaa tilmaamay in  maamulka gobolku qorsheynayo sidii loo kordhin lahaa xafiisyada laga bixiyo warqadaha sugnaanta iyo dhalashada madama ay sii kordheen tirada dadka qaadanaya warqadahaasi.

Afhayeenka ayaa uga digay dadka qaadanaya warqadahaasi iney bixiyaan lacago laaluush ah oo sharcidarro ah,  isagoo ku hanjabay in tallaabo sharci ah laga qaadi doono ciddi lagu qabto iyadoo qaadeysa lacago sharcidarro ah.

Maamulka dowladda hoose ee G/Banaadir ayaa wada bixinta warqadaha dhalashada iyo sugnaanta, iyadoo laga bixinayo xafiiska dad dhigista ee dowladda hoose.

Section  Somali
Category   Local News
Tags  banaadir gobalka maamulka

Comments

comments powered by Disqus
Valid XHTML 1.0 Valid CSS