H.E. Fawzia Yusuf oo kaga qeybgaleysa Juba shirka degdega ah ee Wasiirada Arrimaha dibadda IGAD

 

Ra’iisul wasaare kuxigeen ahna Wasiirka Arrimaha Dibadda iyo Iskaashiga Caalamiga H.E. Fawzia Yusuf H. Adam ayaan kaga qeybgaleysa maanta Caasimadda Juba ee South Sudan Shirka degdega ah ee Wasiiradda Arrimaha dibadda ee ku mideysan Urur goboleedka “IGAD” , kaasoo lagu qiimeynayo , xalna loogu raadinayo xasaradaha iyo rabshadaha dagaal ee ka soo cusboonaaday wadankaasi.

H.E. Fawzia Yusuf oo kaga qeybgaleysa Juba shirka degdega ah ee Wasiirada Arrimaha dibadda IGAD

Ra’iisul wasaare kuxigeen ahna Wasiirka Arrimaha Dibadda iyo Iskaashiga Caalamiga H.E. Fawzia Yusuf H. Adam ayaa waxa ay ka qeyb tahay Wasiiro Arrimo badeed-ka wadamada ku mideysan Urur goboleedka “IGAD” ee kulanka deg deg ah uga furmaya Magaalada Juba , iyadoo kulankooda uu kala qeybgalayo Madaxa amniga iyo nabadgelyada Ururka Midowga Afrika iyo diblomaasiyiin kale , waxaana Wasiiradu ay muujinayaan dadaalo nabadeed oo ay ku joojinayaan dagaalka , xilli laga digayo in colaada ka taagan Juba iyo deegaanada kale ay isku badasho mid sokeeye oo u dhaxeysa qabaa’ilka , qalqalna gelisa deganaanshaha dowladnimo ee wadankaasi curdanka ah.


Wasiiradda Arrimaha dibadda wadamada “ IGAD” ayaa waxa ay gelinkii dambe ee shalay ay kulan albaabada u xiran la yeesheen Madaxweynaha dalkaasi Salva Kiir Mayardit ,iyagoo kala hadlay qaabka ugu haboon ee loogu soo dabaali lahaa wadankaasi nabadda , deganaanshaha iyo wadajirka dadka u dhashay South Sudan.


Dowladaha Somalia, Sudan, Ethiopia, Kenya, Djibouti iyo Uganda ayaa waxa ay ka bilaabeen olole diblomaasiyadeed Magaalada Juba , iyagoo isku dayaya heshiisiinta iyo nabadeynta dhinacyada dowladda iyo mucaaradka oo todobaadkan dagaalo dhiig ku daatay uu ku dhexmaray dalkaasi .
Xafiiska Qeybta Warbaahinta iyo Xiriirka Bulshada ee Wasaaradda
Section of Press and Public Relations

Section  Somali
Category   Local News
Tag  igad

Comments

comments powered by Disqus
Valid XHTML 1.0 Valid CSS