Golaha wasiirada oo ka doodey arrimo amniga uu ka mid yahay

Golaha wasiirada xukuumadda Soomaaliya, ayaa ka arrinsaday sidii loo dhameystiri lahaa ballan qaadyadii xukuumadda ee 100-ka maalin.

Golaha wasiirada oo ka doodey arrimo amniga uu ka mid yahay
Fadhi ay wasiirada Muqdisho ku yeesheen kaas oo uu guddoominaayay raysal wasaaraha Soomaaliya Md. C/faarax Shirdoon Saacid, ayaa diiradda lagu saaray wax yaabihii u qabsoomay 45-kii cisho ee ay ka soo wareegatay markii la ansixiyay wasiiradii ugu horreeyay iyo wax qabadkii boqolka maalin ee ay ballan qaadday xukuumaddu iney la imaaneyso.
C/laahi Ciil Mooge Xirsi, oo ah wasiirka warfaafinta Soomaaliya, ayaa sheegay in goluhu uu isku raacay sidii loo dar dar galin lahaa howlaha u harsan, ayna xoogga usaari lahaayeen dhinaca amniga.
Raysal wasaaraha Soomaaliya Md. Saacid,ayaa ugu baaqay wasiirada inay howsha loo igmaday ay u dhabar adeegaan kana soo baxaan howsha lagu aaminay.
Waxaa uu goluhu rajo wanagsan ka muujiyay in uu wax qabad dhab ah la yimaaddo, muddada ay xukuumaddan jirto.
Sagal Radio
Section  Somali
Categories   Community Immigration Local News
Tag  Wasiiro

Comments

comments powered by Disqus
Valid XHTML 1.0 Valid CSS